خوش آمدید

میرے  ساقی  نے  عطا  کی   ہے   مئے  بے  دُردوصاف
رنگ جو  کچھ  دیکھتے  ہو  میرے   پیمانے  کا  ہے
               ———————–
ہے   تابعِ    تقدیر   تو   کافر   ہے   مسلمان 
مومن   ہے   تو   وہ   آپ   ہے  تقدیرِ  الہٰی

————————- 
تو  اپنی سـر نـوشـت اب اپنے قلـم سے لـکھ
خالی رکھی ہے خامــئہ حق نے تیری  جـبـیـں  

 

مقامِ آدم    :   کائناتی قوتوں کو مسخر کر لینا۔
مقامِ مومن    :  کائناتی قوتوں کو وحیِ خداوندی کے مطابق عالمگیر انسانیت کی بہبود کی خاطر استعمال کرنا۔
علماء  :  علمی تحقیقات اور علمی تجربات کے بعد اشیائے کائنات سے صیحح  صیحح فائدہ اٹھائیں اور اس طرح تباہ کن عذابِ زندگی سے محفوظ رہیں، کارگئہ کائنات پر اس طرح غور و فکر کرنے والوں کو قرآن   ” عـلـمـاء “  کہہ کر پکارتا ہے۔

دین   :  وہ نظام جو قوانینِ خداوندی کے مطابق قائم ہو۔

عبادت  :  محکومیت اختیار کرنا۔

مسجد :  قوانینِ خداوندی کی اطاعت کرنا یا وہ مراکز جہاں ان قوانین کے نفاذ اور ان کی عملی اطاعت کے متعلق غور و تدبّر اور بحث و مشاورت ہو۔ یہ اطاعت خالصتاً  قوانینِ خداوندی کی ہو گی اس میں کسی اور کی اطاعت کو شامل کرنا شرک ہے۔

لعنت :   زندگی کی خوشگوریوں سے محروم ہو جانا۔ سعادات و برکات سے دور رہنا۔

حمد  اور حَامِدون  :   تخلیقِ ارض و سما پر غور و فکر کرنا اور ریسرچ کرنے کے بعد خالقِ فطرت کی نُدرت کاریاں اور نفع بخشیاں جب بے نقاب ہو کر سامنے آتی ہیں تو انسان بے اختیار پکار اٹھتا ہے کہ  ” اے ہمارے نشوونما دینے والے  ، تو نے اس سلسلئہ کائنات کو نہ بے مقصد پیدا کیا ہے اور نہ ہی تخریبی مقاصد کے لئے “    یہ ہے خدا کی حمد  ۔  اور اس طرح حمد کرنے والے کو حَامِدون کہتے ہیں۔